● IRSHAADATE AALA HAZRAT 【Post:01】● 〰〰〰〰〰〰〰〰〰〰〰〰〰〰〰
✅Muhammadur Rasoolullah Sallallahu Alaihi Wa Sallam Ko Har Baat Me Saccha Janna Aur Huzoor Ki Haqqaniyat Ko
Sache Dil Se Manna Imaan Hai .
❇JO Iska Ikrar Karne Wala Ho Use Musalaman Janenge Jab Ki Uski Kisi Fail Ya Haal Ya Amal Allah Ta’aala Wa Rasoolullah Sallallahu Alaihi Wa Sallam Ka Inkaaar Ya Tauheen Naa Payi Jaaye Aur Jis K Dil Me Allah Ta’aala Wa Rasoolullah Sallallahu Alaihi Wa Sallam Ka Ta’alluq Tamaam Ta’aaluqat Par Gaalib Ho . Aur Allah Ta’aala Wa Rasoolullah Sallallahu Alaihi Wa Sallam K Mahboob Se Mohabbat Rakhe Agarche Apne Dushman Hi Q Naa Ho .Aur Allah Ta’aala Wa Rasoolullah Sallallahu Alaihi Wa Sallam Se Mukhalifo Se Adavat Yaani Nafrat Rakhe.. Agarche Apne Jigar K Tukde Hi Q Na Ho .
✳Jo Kuch De Allah Ta’aala K Liye De , Jo Kuch Roke Allah Ta’aala K Liye Roke Uska Imaan Kaamil Hai .
✅Rasoolullah Sallallahu Alaihi Wa Sallam Farmate Hai :-
Jisne Allah K Liye Mohabbat Ki Aur Allah K Liye Nafrat Kiya Aur Allah K Liye Diya Aur Allah K Liye Roke Rakha To Waqai Usne Apna Imaan Muqammal Kar Liya…
»Daal di Qalb me Azmate Mustafa
...........
»Sayyedi AAla Hazrat pe Lakhon salaam...
@ To Be Continue .....©
~~~~~~~~~~~~~~~~~~~~~~~~~~~~
●IRSHAADATE AALA HAZRAT [Post :02]●
~~~~~~~~~~~~~~~~~~~~~~~~~~~~
✅Jab Tak Nabi E Kareem Sallallahu Alaihi Wa Sallam Ki Taazeem Naa Ki Ho Agar Koi Umr Bhar Ibadate Ilaahi Me
Guzar De Sab Bekaar Aur Mardood Hai .
»Bahot Se Log Tarke Duniya Kar K Apne Taur Par Zikre Ilaahi Aur Ibadat Me Umr Kaat Dete Hai Magar Wahi Log Muhammadur Rasoolullah Sallallahu Alahi Wa Sallam Ki Tazeem Nahi Karte To Kya Faayeda.
Aise Logo Ko Allah Ta’aala Quraane Majeed Me Fermata Hai
Tarjuma ⏩ Jo Amaal Unhone Kiye Humne Sab Barbaad Kar Diye
📚( Para 19 Ruku 1 )
⏩Amal Kare Mashakkate Bhare Aur Badla Kya Hoga Ye Ki Bhadakti Aag Me Baithenge
📚( Para 30 Ruku 13 )
❇ Imaam K Haqeeqi Aur Waqai Hone K Liye Do Baate Zaruri Hai
»1.Muhammadur Rasoolullah Sallallahu Alahi Wa Sallam Ki Tazeem Aur
»2.Muhammadur Rasoolullah Sallallahu Alahi Wa Sallam Ki Mohabbat Ko Saare Jahan Par Gaalib Rakhna.
❇Afsos Hai Is Musalmani Daawo Par Ki Allah Ta’aala Wa Rasoolullah Sallallahu Alaihi Wa Sallam Se Zyada Ustaad, Bhaai , Dost Ya Duniya Me Kisi Mohabbat Ho.
✅Aye Allah !! Hume Saccha Imaan De, Sadqa Apne Habeeb Ki Sacchi Baat Sachi Rahmat Ka . Sallallahu Alahi Wa Sallam …. Aameen Summa Aameen……
@ To Be Continue .....©
~~~~~~~~~~~~~~~~~~~~~~~~~~~~
●IRSHAADATE AALA HAZRAT [Post: 03]●
~~~~~~~~~~~~~~~~~~~~~~~~~~~~
✅Wuzu Karne Jab Baithe To Pahle Yeh Dua Padh Le.
BISMILLAHIL AZEEMI WALHAMDULILLAHI ALAA DEENIL
ISLAM
✳Jo Wuzu Bismillah Se Shuru Kiya Jaata Hai Tamaam Badan Ko Paak Kar Deta Hai Warna Jitney Par Paani Guzrega Utna Hi Paak Hoga.
✳Fir Dono Haatho Ko Pahocho Tak 3-3 Baar Is Tarah Dhoye Ki Pahle Sidhe Hath Ko Ulte Hath Se Paani Daal Kar Fir Ulte Haath Ko Sidhe Hath Se Paani Dal Kar 3 Baar. Aur Iska Khayal Rahe Ki Ungliyo Ki Ghaaiya Paani Bahne Se Naa Rah Jaaye.. Fir 3 Baar Kulli Aise Kare Ki Mooh Ki Tamam Jado Aur Daanto Ki Sab Khidkiyo Me Paani Pahoch Jaaye .
❇Wuzu Me Is Tarah Kulli Karna Sunnate Muaqqida Aur Gusl Me Farz Hai .
⏩Aqsar Logo Ko Dekha Gaya Hai Ki Unhone Jaldi Jaldi 3 Baar Puch-Puch Kar Liya Naak Ki Nook Par 3 Martaba Paani Laga Diya Aise Karne Se Wuzu Me Sunnat Ada Nahi Hoti ,
⏩Ek Aadh Baar Aisa Karne Se Sunnat Ko Chodne Wala Hoga Aur Iski Aadat Daalne Se Gunahgaar Faaasiq Hota Hai .
❇Aur Gusl Me Farz Rah Jaata Hai To Gusl To Hota Hi Nahi
Agar Gusl Hi Nahi Hoga To Naa Paaki Haasil Hogi.
Naa Namaz Hogi.
Sab Fuzool Ho Jayega.
Narbh Baase Tak Paani Chadhana Wuzu Me Sunnate Mouqida Hai Aur Gusl Me Farz Hai .
»WUZU NAMAZ KI KUNJI HAI
AUR NAMAZ JANNAT KI KUNJI HAI ..
@ To Be Continue .....©
●●●●●●●●●●●●●●●●●●●●●●●●●●●●●●
○○○○○○○○○○○○○○○○○○○○○○○○○○○○○○
●IRSHAADATE AALA HAZRAT [Post :04]●
———————————————————
✅Dadhi Agar Hai To Khoob Tar Kar Le Ki Ek Baal Ki Jad Bhi Khushq Rahi
Aur Paani Us Par Naa Baha To Wuzu Nahi Hoga.
Aur Mooh Par Paani Lambai Me Peshani K Baalo Ki Jado Se Thuddi K Niche Aur Chodai Me Kaan Ki Ek Lau Se Doosri Lau Tak Paani Bahaye.
Fir Dono Hath Kohniyo Tak Is Tarah Dhoye Ki Paani Ki Dhaar Kohni Tak Barabar Padti Chali Jaaye …
Yeh Na Ho Ki Pahoche Se 3 Baar Paani Chod Diya Jaaye Aur Wo Kohni Tak Bahta Chala Gaya.
Iska Zaroor Khayal Rakhe K Ek Baal Bhi Sukhaa Naa Rahe Agar Paani Kisi Baal Ki Jad Ko Tar Karta Hua Bah Gaya Aur Upari Hissa Khushq Rah Gaya To Wuzu Nahi Hoga.
✳Fir Sar K Baalo Ka Masah Kare, Chothai Sar Ka Masah Karna Farz Hai . Aur Pure Sar Ka Sunnat Hai .
Dono Hatho Ka Angutha Aur Kalime Ki Ungli Chod Kar 3-3 Ungliyo Aur Unhi K Muqaabil Hatheli K Hisso Se Peshani Ki Jaanib Se Guddi Tak Khinchta Hua Le Jaaye Fir Hatheliyo Ka Baaqi Hissa Guddi Se Peshani Tak Laaye Aur Kalime Ki Ungliyo K Pet Se Kaano K Pet Ka Masah Kare Aur Angutho Ko Kaan Ki Pusht Ka Aur Hath Ki Pith Se Garden K Pichle Hisse Ka Masah Kare. Gale Par Hath Naa Laye K Bid’at Hai .
✳Fir Dono Paav Takhno K Upar Tak Dhoye Aur Har Aazu Pahle Daaye Fir Baaye Dhoye.
✩Aala Hazrat Bayan Farmate Hai »
✅Ek Martaba Gaav Jaane Ka Ittefaq Hua Ek Aalim Mere Sath The, Fajar Ki Namaz Ke liye Unhone Wuzu Kiya, Bahwo Se Chehre Par Paani Daala Jab Unse Kaha Gaya To Farmaya Jaldi Ki Wajah Se Ki Waqt Naa Jaye To Maine Kaha Bila Wuzu Hi Padhiye!!
Mujhe Khayal Raha Zohar K Waqt Bhi Dekha Unhone Aisa Hi Kiya, Maine Kaha Ab To Waqt Nahi Jar Aha Tha ..
Aaj Kal Logo Ki Aam Taur Se Yahi Aadat Hai .Gusl Me Jis Qadr Ehtiyaat Chahiye Aaj Kal Utni Hi Be-Ehtiyaati Hai .
Allah Ta’aala Maaf Kare .
📚(AL-MALFOOZ)
@ To Be Continue .....©
●●●●●●●●●●●●●●●●●●●●●●●●●●●●●●
~~~~~~~~~~~~~~~~~~~~~~~~~~~
●IRSHAADATE AALA HAZRAT [Post :05]●
~~~~~~~~~~~~~~~~~~~~~~~~~~~
✅Irshaad : Hadees Me Farmaya Agar Logo Ko Maalum Ho Jaye Ki Safe Awwal Me Namaz Padhne Ka Kis Qadar
Sawab Hai To Zaroor Is Qurrah Andaazi ( Lottery Ki Tarah Number Nikalna) Kiya Jaata.
Yaani Har Ek Safe Awwal Me Khada Hona Chahta Hai Aur Jagah Ki Tangi Ki Wajah Se Quraah Andaazi Par Faisla Hota.
✅Sabse Pahle Imaam Par Rahmate Ilaahi Naazil Hoti Hai Fir Safe Awwal Me Jo Thik Piche Khada Ho Yaani Muezzin Aur Muezzin K Daahini Jaanib Fir Baaye .
Isi Tarah Dusri Saf Me Muezzin K Thik Piche Us K Daaye Fir Baaye. Aise Hi Aakhir Saf Tak.
📚( AL-MALFOOZ )
@ To Be Continue .....©
●●●●●●●●●●●●●●●●●●●●●●●●●●●●●●
```````````````````````````````````
●IRSHAADATE AALA HAZRAT [Post :06]●
~~~~~~~~~~~~~~~~~~~~~~~~~~~~
✳ Huzoor Sallallahu Alaihi Wa Sallam Ne Jamaat Ki Is Darja Taaqid Farmaai Hai Ki Ek Naabina (Andhe) Khidmat
Aqdas Me Haazir Hue Aur Arz Kiye Ya Rasoolullah Sallallahu Alahi Wa Sallam Mere Paas Koi Aisa Nahi Hai Ki Mujhe Hath Pakad Kar Masjid Me Le Aaya Kare, Mujhe Ghar Me Namaz Padhne Ijazat Ataa Ho.
Sarkar Ne Ijazat Farmai Jab Who Ja Rahe The Fir Bulaya Aur Irshaad Farmaya Azaan Ki Aawaz Tumhe Pahochti Hai .
Arz Ki Haan Pahochti Hai.
Huzoor Ne Farmaya To Fir Jamaat Me Haazir Ho .
✅Abdullah Ibne Umme Maqtoom Radi’allahu Ta’aala Anhuma K Yeh Bhi Aankho Se Maazor The.
Haazir Hue Arz Ki Yaa Rasoolullah Sallallahu Alaihi Wa Sallam Madina-E-Tayyaba Me Saanp , Bichhoo, Bhediye Bahot Hai Kya Mujhe Ijazat Hai Ki Ghar Me Namaaz Padh Liya Karoo.
Huzoor Ne Farmaya Kya Tum Tak Azaan Ki Aawaz Pahochti Hai , Arz Ki Haa, Farmaya To Haazir Ho .
✅Naabina Ki Atkal Na Rakhta Ho Na Koi Le Jaane Wala Khusoosan Jab Saanp Bhediyo Ka Andesha Ho To Zaroor Rukhsat Hai Magar Huzoor Ne Unhe Afzal Par Amal Karne Ki Hidaayat Farmayi Ki Aur Log Sabaq Le Jo Bila Uzr Ghar Me Padhte Aur Masjid Me Haazir Na Hokar Dalaalat Wa Gumraahi Me Padt Hai Ki Agar Tum Log Apne Nabi Ki Sunnat Chod Doge To Gumraah Ho Jaoge.
⏩Abuu Dawood Me Hai Albaatta Tum Kufr Karoge. Wal Ayaazu Billahi Ta’aala
📚( Fatawa Raziya Jild Awwal )
🔴Allahu Akbar Jab Baa-Jamaat Ki Itni Fazeelat Hai Aur Ahmiyat To Zara Sochiye Namaz Ki Ahmiyat Kitni Hogi.
Aur Hum Aise Hi Naa Jaane Kitni Namaze Chod Dete Hai .
Allah Hum Sab Ko Panj Waqta Baa-Jamaat Namaz Padhne Ki Taufeeq Ata Farmaye..
Aameen Summa Aameen…
@ To Be Continue .....©
●●●●●●●●●●●●●●●●●●●●●●●●●●●●●●
~~~~~~~~~~~~~~~~~~~~~~~~~~~
●IRSHAADATE AALA HAZRAT [Post: 07]●
~~~~~~~~~~~~~~~~~~~~~~~~~~
»Hamesha Yaad Rahe Ki Ahkaame Ilahi Bajaa Lane Me Mushqil Mashaqqat Kabhi Uzr Nahi Ho Sakti , Mashaqqate Shaded Uzr Hai .
✅Agar Raat Itni Andheri
Hai Ki Masjid Tak Raasta Nazar Nahi Aata Ya Subah Ko Siyaad Badly Moohit Hone Se Ya Kisi Waqt Siyaah Andhi Chalne Aisi Taariqe Hai To Ye Jamaat Me Haazir Nahi Hone Ka Uzr Hai .
Charaag Ya Laalten Ya Torch Ho Jise Masjid Tak Le Jaa Sake Aur Koi Diqqat Na Ho To Kaisa Bhi Andhera Ho To Jamaat Tarq Karne K Liye Uzr Nahi Ho Sakta.
✳Andhere Me Masjid Ko Jana Bahot Badi Fazeelat Rakhta Hai. Rasoolullah Sallalahu Alaihi Wa Sallam Farmate Hai .
Jo Andheriyo Me Haazire Masjid K Aadi Hai Unhe Bashaarat Do Roze Qayaamat Kaamil Noor Ki .
Jo Masjid Taq Na Jaa Sake Jaise Apaahij, Ya Mareez Ya Intehaai Kamzor Buhdha Jo Chal Nahi Sake.
Dared Kamar Wagairah Se Chalne Se Maazoor In Logo Par Jumaa Aur Jamaat Waajib Nahi .
📚Fatawa Razviya Jild Awwal
🔴Lekin Qurbaan Jaiye Aala Hazrat Ki Pabandiye Jamaat Par .
Aakhri Daur Ka Waaqiya Hai Jab Buzurgi Ka Aalam Tha Koi Na Koi Masjid Tak Sahara Ban Kar Le Jaata Hai .
Ek Din Jab Koi Masjid Tak Le Jane Wala Nahi Tha .To Aala Hazrat Road Par Rengte Hue Masjid Tak Gaye Aur Namaz Baa-Jamaat Ada Kiye.
✩Ye Hai Aala Hazrat Aur Zara Apne Aap Par Gaur Kijiye.. Kitni Aasani Se Hum Jamaat To Kya Namaz Bhi Chod Dete ..Allah Sab Ko Nek Taufeeq De.. Aameen Summa Aameen …
@ To Be Continue .....©
●●●●●●●●●●●●●●●●●●●●●●●●●●●●●●
★IRSHAADATE AALA HAZRAT
[Post :08]★
✅Wuzu me kohniyaa ediya kalaiyyo ki baaz baalo ki noke aqsar sukhi rah jaati aur yah to aam bala
hai ki mooh dhone me paani maathe se nichle hisse par daalte hai upar bhiga hath chadha kar le jaate hai ki maathe k balai hisse ka masah hua na gusl aur farz gusl hai , na WUZU hua na NAMAAZ
✅Gusl me farz hai ki paani soongh kar naak k narm bandhe tak chadhaya jaye.
Gour kar k dekhiye kitne aisa karte hai chullu me paani liya naak kin ok ko lagaya aur samajhte hai ho gaya farz ada ho gaya.
Iska matlab hai har waqt JUnoob ( begusl ) rahte hai. Aise logo ko masjid me jaana HARAAM hai aur namaz dar kinaar.
✅Sajde me farz hai ki kam se kam paanv ki ek ungli yaani anguthe ka pet zameen par laga ho aur paanv aqsar ungliyo ka pet zameen par laga hona waajib hai .
Youn hi naak ki haddi zameen par lagna wajib hai . Bahot se logo ki naak zameen se lagti hi nahi. aur lagi ho to wahi naak ki nok. yahi tarqe waajib aur gunah aur aadat faasiq ka sabab hi hua.
✩Paanv ko dekhiye ungliyo k sire zameen par hote hai . kisi ungli ka pet bicha nahi hota aam log to aam log hai bahot imam sahaab bhi iska khayal nahi rakhte.
Sajda baatil.
Namaaz baatil.
Namazi sahaab namaz sahi ho rahi hai samajhkar ghar ko chale jaate hai ….
»📚FATAWA RAZVIYA JILD AWWAL
@ To Be Continue .....©
————————————————
~~~~~~~~~~~~~~~~~~~~~~~~~~~~
« ★IRSHAADATE AALA HAZRAT
[Post :09]★»
~~~~~~~~~~~~~~~~~~~~~~~~~~~~
✅Irshaad Farmaya Namaz Ko Logo Ne Aasan Samajh Liya Hai .
Awaaz Bechare Kis Ginti Me Baaz
Bade-Bade Aalim Jo Kahlate Hai Unki Namaz Bhi Sahi Nahi Hoti.
Ibadat Mahaz Sirf ALLAH K Liye Hona Chahiye .
Kabhi Apne Amaal Par Naaza Na Ho Ki Kisi K Umr Bhari K Nek Amaal Uski Ek Nemat Ka Jo Usne Apni Rahmat Se Ata Farmai Hai Badla Nahi Ho Sakte .
»📚AL MALFOOZ
●NOTE : Namaz Ko Halqe Me Lena Kufr Hai.
Matlab Jaise Aaj Kal Log Bolte Hai.
Namaz Hi To Padhni Hai.
Kis K Bhi Piche Padh Lo
Kaisi Bhi Padh Lo.
@ To Be Continue .....©
———————————————————————
~~~~~~~~~~~~~~~~~~~~~~~~~~~~
★IRSHAADATE AALA HAZRAT
[Post :10]★
~~~~~~~~~~~~~~~~~~~~~~~~~~~~
✅Fajar Ki Sunnat Awwal Waqt Me Padhna Afzal Hai .
✳ Hadees Sharif Me Hai Ki Jab
Insaan Sota Hai To Shaitan Teen Girah Laga Deta Hai .
Jab Koi Subah Uthte Hi Allah Azzawajal Ka Naam Leta Hai To Ek Girah Khool Jaati Hai Aur
Jab Wo Wuzu Karta Hai To Dusri Khool Jati Hai Aur
Jab Sunnate Fajar Ki Niyyat Baandhta Hai To Teesri Bhi Khool Jaati Hai
Lihaaza Awwal Waqt Me Sunnate Padhna Afzal Hai
»📚AL-MALFOOZ
●●SALAAM K BAAD DAAYE BAAYE FIRNA●●
✅Kisi Bhi Namaaz Me Imaam Ko Hargiz Nahi Chahiye K Wo Salaam Ferne K Baad Roobaru Qibla Yaani Qible Ki Taraf Mooh Kar K Baitha Rahe.
Imaam Ka Daaye Ya Baaye Firna Mutlaqan Zaruri Hai ..
»📚Fatawa Razviya Jild 3
@ To Be Continue .....©
———————————————————————
★IRSHAADATE AALA HAZRAT [POST :11]★
-------------------------------------------
1» Bagair Aitekaaf Ki Niyyat Kiye Hue Kisi Chiz K Khane Ki Ijazat Nahi Hai.
Bahut Masjid Me Dastoor Hai Ki
Maahe Ramzanul Mubarak Me Log Namaziyo K Liye Iftaari Bhejte Hai Who Bagair Niyyate Aitekaaf Wahi Be Takalluf Wahi Khate Peete Hai Aur Farsh Kharab Karte Hai Yeh Naa-Jayaz Hai.
2». Masjid K Ekdarje Se Dusre Darje Me Daakhile K Waqt Sidhaa Qadam Badhaya Jaaye
Yahan Tak Agar Saf Bichi Ho To Us Par Bhi Pahle Siddha Qadam Rakho Aur
Jab Waha Se Hato To Bhi Siddha Qadam Farshe Masjid Par Rakho Ya Khateeb (Khutba Padhne Wala ) Jab Mimbar Jaane Ka Irada Kare Pahle Siddha Qadam Rakhe Aur Jab Utare To Siddha Qadam Utaare.
3». Wuzu Karne K Baad Aazaae Wuzu Se Ek Chint Paani Ki Boond Bhi Masjid K Farsh Par Nag Ire.
4». Masjid Me Daudna Ya Zor Se Qadam Rakhne Jisse Dhamak Paida Ho Manaa Hai.
5». Masjid Me Duniya Ki Koi Baat Na Ki Jaaye Haa Agar Deeni Baat Kisi Se Kahna Ho To Qareeb Jaa Kar Aahista Se Kahna Chahiye Naaki Ek Saahaab Masjid Me Khade Hue Doosre Raahgir Jo Sadaq Par Khada Hua Hai Chilla Kar Baate Kar Rahe Hai Koi Bahar Se Pookar Raha Hai Aur Ye Sahaab Uska Jawab Buland Aawaz Se De Rahe Hai .
🔃To Be Continue..↔🔜
★IRSHAADATE AALA HAZRAT [POST :12]★~~~~~~~~~~~~~~~~~~~~~~~~~~~~
6♦. Masjid K Farsh Par Koi Chiz Fenki Na Jaaye Balqi Aahista Se Rakh De.
Garmi K Mousam Me
Log Pankha Zalte Zalte Fek Dete Hai Ya Lakdi Chatri Rakhte Waqt Dur Se Chod Diya Karte Hai Aisa Karna Mana Hai Aur Masjid Ka Ehteraam Har Musalman Par Farz Hai .
7🔶. Qibla Ki Taraf Paanv Failana To Har Jagah Mana Hai Lekin Masjid Me Kisi Bhi Taraf Na Failaye Ki Ye Khilafe Adab Hai.
8🔷. Masjid Me Yahan K Kisi Kaafir Ko Aane Dena Sakht Naa-Jayaz Aur Masjid Ki Behurmati Hai .
9▪. Masjid Me Hasna Bahot Bada Gunah Hai Aur Khilafe Aadaab Hai .
»AL-MALFOOZ
🔃To Be Continue..↔🔜
___________________________
★IRSHAADATE AALA HAZRAT [POST :13]★
~~~~~~~~~~~~~~~~~~~~~~~~~~~~
✩SAWAAL :- Huzoor Buzurgaane Deen K Urso Me Jo Shara’an Najayaz Af’aal Hote Hai Unse Un Hazraat Ko Takleef Hoti Hai ?
✅✅Jawab :- Bila Shubah
In Hazraat Ko ( Yaani Jinki Mazaar Hai Unko ) Takleef Hoti Hai.
Aur Yahi To Wajah Hai Ki In Hazraat Ne Bhi Tawajjoh Kam Farma Di Warna Pahle Jis Qadr Faiz Hote The Who Ab Kaha ?
✩Pucha Gaya Aurato Ka Mazaar Par Jana Jayaz Hai Ya Nahi ?
✩To Jawab Me Kaha Gaya K Aisi Jagah K Bare Me Ye Nahi Puchte K Jayaz Hai Ya Nahi Balqi Ye Pucho
K Us Aurat Par Kitni Laanat Padti Hai .
1.▪Jab Ghar Se Qabar Ki Taraf Chalne Ka Iraada Karti Hai To Allah Aur Us Ke Farishto Ki Laanat Me Hoti Hai.
2.🔷Jab Ghar Se Bahar Nikalti Hai Sab Tarafo Se Shaitan Use Gher Lete Hai.
3.🔶Jab Qabr Tak Pahochti Hai To Ahle Mazaar Ki Rooh Us Par Laanat Karti Hai.
4♦.Jab Wapas Aati Hai To Allah Ki Laanat Me Hoti Hai.
» FATAWA RAZVIYA JILD 4
🔃To Be Continue..↔🔜
★IRSHAADATE AALA HAZRAT [POST:14]★
~~~~~~~~~~~~~~~~~~~~~~~~~~~~
»Kisi Ne Aala Hazrat Se Arz Kiya K Mere Yahan Bhatija Paida Hua Hai Uska Koi Taarikhi Naam Bataiye To AalaHazrat Ne Irshad Farmaya
✅Taarikhi Naam Se Kya Fayeda Naam Wo Ho Jin K Ahadis Me Fazail Aaye Hai , Mere Aur Mere Bhaiyo K Jitney Ladke Paida Hue Hai Maine Sab Ka Naam Muhammed Rakha Hai.
✩✩✩✩AHMED AUR MUHAMMED NAAM K FAZAAIL Me Bahot Si Ahaadees Aaye Hai . ✩✩✩✩
1🔷.Rasoolullah Sallallahu Alaihi Wa Sallam Farmate Hai K Mere Name Paak Par Naam Rakho Meri Kunniyat Na Rakho.
●●Note: Bukhari, Muslim, Tirmizi, Ibne Maza In Sab Motebar Kitabo Me Ye Huqm Hai K Mere Naam
Rakho Meri Kunniyat Abul Qaasim Mat Rakho Lekin Ab Olma E Kiram Ne Naam Aur Kunniyat Dono Ki Ijazat Di Hai . Aur Mishqat Sharif K Safa No. 407 Se Saabit Bhi Hai .
2🔷.Rasoolullah Sallallahu Alaihi Wa Sallam Farmate Hai K Jisko Ladka Paida Hua Aur Wo Meri Mohabbat Aur Mere Name Paak Se Tabarruk K Liye Us Ka Naam Muhammed Rakhe. Wo Aur Uska Ladka Dono Bahasht Me Jayenge.
3♦.Rasoolullah Sallallahu Alaihi Wa Sallam Farmate Hai K Roze Qayamat Wo Shakhs Hazrate Izzat K Huzoor Me Khade Kiye Jayenge Aur Huqm Hoga Unhe Jannat Me Le Jao . Wo Log Arz Karenge Ilahi Hum Kis Amal Par Jannat Me Jane K Qaabil Hue . Allah Ta’aal Farmaye Jannat Me Jao Ki Maine Halaf Farmaya Hai Ki Jiska Naam Ahmed Ya Muhammed Hoga Dozakh Me Nahi Jayega . ( Is Me Shart Hai K Momin Ho Aur Sahi-Ul-Aqeeda Ho )
4🔶.Rasoolullah Sallallahu Alaihi Wa Sallam Farmate Hai K Me Rab Ne Mujhse Farmaya K , Apne Izzat Wa Jalal Ki Qasam Jiska Naam Tumhare Naam Par Hoga Use Dozakh Ka Azaab Nahi Dunga.
5♦.Rasoolullah Sallallahu Alaihi Wa Sallam Farmate Hai K Jis K Teen Bête Paida Ho Aur Who Unme Se Kisi Ka Naam Muhammed Na Rakhe Zarur Zahil Hai .
🔃To Be Continue..↔🔜
★IRSHAADATE AALA HAZRAT [POST: 15]★
~~~~~~~~~~~~~~~~~~~~~~~~~~~~
6🔷.Ameerul Momineen Hazrate Ali Karramallahu Wajhu Se Riwayat Hai K Jis Dastakhwan Par Log Baith Kar Khana Khaye Aur Usme Koi Muhammed
Ya Ahmed Naam Ka Ho Wo Log Har Roz Do Baar Muqaddas Kiye Jaayenge.
Yani Jis Ghar Me In Paak Naamo Ka Koi Shakhs Ho Din Me Do Baar Us Makaan Me Rahmate Ilahi Ka Nuzool Hota Hai .
7🔶.Rasoolullah Sallallahu Alaihi Wa Sallam Farmate Hai K Tum Me Kisi Ka Kya Nuqsaan Hai Agar Uske Ghar Me Ek Muhammed Ho Ya Do Muhammed Ya Teen Muhammed Ho .
Isiliye Aala Hazrat Ne Apne Sab Bête Aur Bhatijo K Naam Muhammed Rakhe. Aur Sab Ka Aqeeqa Muhammed Naam Se Kiye Aur Sab Me Farq Hone K Liye Alag Alag Naam Se Pukarte The .
8♦.Rasoolullah Sallallahu Alaihi Wa Sallam Farmate Hai K Jab Koi Kisi Mashware K Liye Jama Ho Aur
Waha Unme Koi Shakhs Muhammed Naam Ka Ho Aur Use Apne Mashware Me Shariq Na Kare To Unke Liye Us Mashware Me Barker Nahi Rakhi Jaye.
9🔷.Rasoolullah Sallallahu Alaihi Wa Sallam Farmate Hai K Jab Ladke Ka Naam Muhammed Rakhoo To Uski Izzat Karo Aur Majlis Me Uske Ilye Jagah Kushada Karo Aur Use Burai Ki Taraf Nisbat Na Karo Us Par Burai Ki Dua Na Karo .
10🔶.Rasoolullah Sallallahu Alaihi Wa Sallam Farmate Hai K Jab Ladke Ka Naam Muhammed Rakhoo To Use Naa Maro Na Mahroom Karo.
Behtar Yehi Hai K Sirf Muhammed Ya Ahmed Naam Rakhe Us Ke Sath Jaan Wagairah Aur Koi Lafz Na Milaye .
🔃To Be Continue..↔🔜
★IRSHAADATE AALA HAZRAT [Post:16]★
~~~~~~~~~~~~~~~~~~~~~~~~~~~~
✅Olma E Kiraam Farmaate Hai
1.»Jis K Paas Yeh Naksha-E- Mubaraka Ho Zulm Zaalimin Aur Shaitan K Shar Se Hasideen Ki Buri Nazar
Se Mahfooz Rahe.
2.»Aurat Bacha Paida Hone K Dard K Waqt Agar Apne Daahine Hath Me Le To Aasani Ho.
3.»Jo Hamesha Paas Me Rakhe Nigahe Haq Me Mo-Azziz Ho.
4.»Ziyarat Roza-E-Muqaddas Naseeb Ho Ya Khwab Me Ziyarate Huzoor Sallallahu Alahi Wa Sallam Se Musharraf Ho.
5.»Jis Lashkar Me Ho Wo Naa Bhage.
6.»Jis Kaafile Me Ho Wo Naa Lute.
7.»Jis Kashti Me Ho Wo Naa Dube.
8.»Jis Maal Me Ho Wo Naa Chori Ho.
9.»Jis Haajat Se Use Tawassul Kiya Jaate Puri Ho.
10.»Jis Muraad Ki Niyyat Se Paas Rakhe Haasil Ho .
Dard Aur Marz Ki Jagah Par Rakh Kar Use Shifa E Mili Hai . Muhliq Musibato Me Isse Tawassul Kar K Yani Iska Waseela Dene Se Najaat Wa Falaah Ki Raahe Khuli Hai .
»Badrul Anwaar Fi Adaabil Aasaar
🔃To Be Continue..↔🔜
★IRSHAADATE AALA HAZRAT [POST: 17]★
~~~~~~~~~~~~~~~~~~~~~~~~~~~~
❇ Bila Shubah Gaire Kaaba Muazzam Ka Tawafe Taazeemi Naa-Jayaz Hai Aur Gaire Khuda Ko Sajda Hamari Shariat Me
Haram Hai .
Yaani Kaabe K Alawa Kisi Aur Ka Tawaf Naa-Jayaz Hai Aur Allah K Siwa Kisi Aur Ko Sajdah Haram Hai Aur Ibadat Ki Niyyat Se Allah K Alawa Kisi Aur Ko Sajda Karna Kufr Hai.
Aur Qabr Ka Bosa Karne Me Olma Me Ikhtelaaf Hai Aur Ahwat Mana Hai Yaani Na Karne Hi Me Zyada Ahtiyat Hai Khususan Mazarate Tayyaba Awliya E Kiraam Ki Hamare Olma Ne Tasreeh Farmai K Kam Az Kam Char Haath Ke Faasle Me Khada Ho Yahi Adab Hai . »Ahkaame Shariat
1▪.Qabr Ka Bosa Yaani Chumne Ka Kyu Haq Hai ?
☑Ans. Baaz Olma Ijazat Dete Hai Magar Zyada Tar Olma Makrooh Jaante Hai To Usse Bachna Hi Chahiye Ashe-Atul Lam-Aat Me Hai -- Qabr Ko Hath Se Masah Na Kare Aur Na Usko Bosa De.
2▫.Qabr Ka Tawaf Karna Kaisa Hai ?
✔Ans. Tawaf Kaaba Ki Khususiyaat Se Hai Isliye Ambiya Aur Awliya E Kiraam K Qabro K Gird Tawaf Karna Mana Haraam Hai . Magar Ise Mutlakan Shirq Thahra Dena Jaisa Ki Bad-Aqeeqo Ka Khayal Hai Mahaz Baatil Wa Gaat hai
3».Qabr Kis Qadr Buland Karna Jayaz Hai ?
☑Ans. Ek Baalisht Ya Kuch Zydada Jayaz Hai Zyada Bulandi Yaani Aisi Bulandi Jo Acchi Na Lage Makrooh Hai .
»📚📚FATAWA RAZVIYA JILD 4
🔃To Be Continue..↔🔜
~~~~~~~~~~~~~~~~~~~~~~~~~~~~
★IRSHAADATE AALA HAZRAT [Post :18]★
~~~~~~~~~~~~~~~~~~~~~~~~~~~~
✅ Hadees Me Farmaya Talwaar Ki Daar Par Paanv Rakhna Mujhe Usse Aasan Hai Ki Musalmaan Ki Qabr Par
Paanv Rakhu.
✅Doosri Hades Me Farmaya Agar Main Angaare Par Paanv Rakhu Yahan Tak Ki Wah Joote Ka Talaa Tod Kar Mere Talwe Taq Pahoch Jaye To Yah Mujhe Usse Zyada Pasand Hai Ki Kisi Musalaman Ki Qabr Par Paanv Rakhu.
Yah Who Farma Rahe Hai Ki Wallah Agar Musalaman K Seer Aur Seene Aur Aankhon Par Qadame Aqdas Rakh De To Use Dono Jahan Ka Chain Bakhs De. SALLALAHU ALAIHI WA SALLAM
⏩⏩Fathulqadir Aur Tahtaavi Aur Raddul Mukhtaar Me Hai Ki .
Qabristan Me Jo Naya Raasta Nikala Ho Usme Chalna Haram Hai. Ki Woh Zarur Qabro Par Hoga Bakhilaaf Raahe Qadeem K Ki Qabre Use Chod Kar Banai Jaati Hai .
Huzoor Akram Sallallahu Alahi Wa Sallam K Samne Ek Sahib Qabristaan Me Joota Pahan Kar Nikle Farmaya :-
Aye Baal Saaf Kiye Hue Joote Wale Apne Joote Ko Fenk De..Na Tu Sahibe Qabr Ko Sata Na Who Tujhe Sataye..
»📚(AL MALFOOZ )
Qabr Par Namaaz Padhna Haraam, Qabr Ki Taraf Namaz Padhna Haraam, Qabr Par Qadam Rakhna Haraam, Qabro Par Masjid Banana Ya Kheti Karna Haraam ..
»📚(IRFAANE SHARIAT)
@ To Be Continue .....©
———————————————————————
~~~~~~~~~~~~~~~~~~~~~~~~~~~~
●★IRSHAADATE AALA HAZRAT
[Post :19]★●
~~~~~~~~~~~~~~~~~~~~~~~~~~~~
⏩⏩Aaj Aqsar Log Beti Ki Shaadi K Liye Bheek Mangte Hai Aur Usse Maqsood Un Rasmo Ko Pura Karna Hota Hai Jo Hindustan Me Rayej
Hai Haalaki Wo Rasme Asalan Haajate Sharaiyya Nahi To Unke Liye Sawal Yani Mangna Halaal Nahi Ho Sakta.
Haa Musalman Ko Munasib Hai Ki Sirf Haajatmand Beti Wale Ko Madad Kare. Hadees Me Uski Madad Karne Se Karz Dene Ki Taraf Irshaad Hua Hai .
⏩⏩Baaz Log Bheek Mangte Hai Hajj Ko Jaayenge Yah Bhi Haraam Aur Unhe Dena Bhi Haraam Ki Jiska Lenaa Haraam Uska Dena Bhi Haraam .
Faqeer Ka Hajj , Hajj-E-Nafl Hai Yaani Us Farz Nahi Lehaaza Sawal Haram . Nafl K Liye Haraam Kaam Ikhtiyar Karna Kisne Mana….
»( AHSANOOL WIAA)
◎○○○○○○MASJID ME SAWAL○○○○○○○◎
▶▶Masjid Me Sawal Na Kare Ki Hades Me Isse Mumaan’at Aayi Hai Aur Use Dena Bhi Nahi Chahiye Ki Bure Par Madad Hai. Olama Farmate Hai Ki Masjid Me Sail Ko Ek Paisa De To Sattar Aur Darkaar Hai Jo Is Dene Ka Kaffara Ho..
»(HINDIYA, HAQIQIYAH)
▶▶Aur Agar Aisi Battameezi Se Sawal Karta Hai Ki Namaziyo K Saamne Guzarta Ya Baithe Huo Ko Faandta Jata Hai To Use Dena To Bila Ittefaq Mamnu Yani Mana Ha. Durre Mukhtar Me Aisa Hi Hai.
◎○◎TANDRUST KA BHEEK MANGNA◎○◎
➡➡Tandrust , Qaabil Jo Kama Sakte Hai Lekin Bheek Mangte Firte Hai Unko Dena Gunah Hai Aur Uska Maangna Haraam Hai Aur Unko Dene Me Haraam Par Madad , Agar Log Nahi Dene Wo Khud Hi Koi Halaal Pasha Ikhtiyaar Kare. Durre Mukhtar Me Aisa Hi Likha Hai .
Aur Main (Yani AALA HAZRAT ) Kahta Hu Ki Yah Asle Kulli Yaad Rakhne Ki Hai Ki Bahot Kaam Degi Yaani Yah Baat Jo Upar Guzri Yaad Rakhne Wala Sabaq Hai Jo Bahot Kaam Ka Hai .
@ To Be Continue .....©
——————————————
◎●●★IRSHAADATE AALA HAZRAT
[Post :20]★●●◎
✔Dua Me Sirf Mudd’aa Yaani Qaboole Maqsad Par Nazar Na Rakhe Balqi Alfaaze Dua Ko Asli Maqsad Jaane
Q K Wo Khud Ibadat Balqi Magze Ibadat Hai .
Maqsad Hona Na Hona Ek Alag Baat Hai. Munaajat Wa Dua Ki Jo Lazzat Hai Wo Naqad Wasool Hai.
◎◎○○○○◎BAD’DUA AUR KOSNA
◎○○○○◎◎
✔Apne Aur Apne Ahbaad Ke Nafz Yani Jaat Wa Ahal Wa Maal Wa Bacho Par Bad’dua Na Kare Ki Kya Maloom Ki Qabooliyat Ka Waqt Ho Aur Bala K Aa Jaane Par Fir Nidamat Ho.
✅Rasoolullah Sallallhu Alaihi Wa Sallam Farmate Hai Ki .
Apni Jaano Par Bad’dua Na Karo Apni Aulaad Par Bad’dua Na Karo Aur Apne Khaadim Par Bad’dua Na Karo Aur Apne Amwaal Par Bad’duua Na Karo Kahi Ijaabat (Qabooliyaat) Ki Ghadi Se Muwakif Na Ho .
»📚MUSLIM , ABU DAWOOD, IBNE KHUJAIMA
🔷3 Dua E Maqbool Hai .
🔸1.Majloom Ki Dua
🔸2.Musaafir Ki Dua
🔸3.Maa- Baap Ka Apni Aulaad Ko Kosna
»📚TIRMIJI SHARIF , AHSANUL WIAA
@ To Be Continue .....©
———————————————————————
~~~~~~~~~~~~~~~~~~~~~~~~~~~~
★IRSHAADATE AALA HAZRAT [Post :21]
★
~~~~~~~~~~~~~~~~~~~~~~~~~~~~
1».Bagair Kii Sakht Majboori K Raat Ko Aisi Waqt Ghar Se Bahar Na Nikie Ki Log So Gaye Ho , Paanv Ki Pohchal
Raasto Se Maukoof Ho Gai Ho .
Sahi Hades Me Isse Mumaan’at Farmai Ki Is Waqt Balaaye Muntashir Hoti Hai.
2».Raat Ko Darwaja Khula Na Chode Aur Na Bagair Bismillah Kahe Band Kare Ki Shaintan Use Khol Sakte Hai.
3».Khaane Se Be Haath Dhoye Na So Rahe Ki Shaitan Chaatta Hai Aur Baras Ka Andesha Hai.
4».Gusalkhane Me Peshab Na Kare Ki Usse Waswasa Paida Hota Hai.
5».Chajje K Kareeb Na Soye Is Saal Me Ki Rok Na Ho To Gir Padne Ka Andesha Hai.
6».Tanha Safar Na Kare Ki Fussaq (Bure) Insano Wa Jino Se Nuqsaan Pahochta Hai Aur Har Kaam Me Dikkat Padti Hai.
7».Faajiro , Faasiqo , Badwajo ( Bure Chaal Dhal Ya Bure Fashion Wale), Badmajhabo K Paas Na Uthe Na Baithe Ki Agar Bilfarz Sohbate Bad K Asar Se Bach Bhi Gaya Magar Iljaam To Zaroor Aa Hi Jayega.
✏»📚AL MALFOOZAT SHARIF……
@ To Be Continue .....©
———————————————————————
~~~~~~~~~~~~~~~~~~~~~~~~~~~~
★IRSHAADATE AALA HAZRAT
[Post :22]★
~~~~~~~~~~~~~~~~~~~~~~~~~~~~
✅Jism K Haq Me Kabhi Kabhi Halqa Bukhar , Zukaam, Sar Dard Unke Misl Halqe Imraz ( Marz Ki Jama) Bala Nahi Balqi Nemat Hai Aur Unka Na Hona Bala Hai. Allah Walo Par Agar 40 Din Guzre
Aur Koi Illat ( Marj) Ya Killat ( Tangi ) Na Pahoche To Istigfaar Wa Inaabat ( Tawajjoh Karna, Hoshiyaar Ho Jaana), Farmate Hai Ki Kahi Lagaam Dhili Na Kar Di Gayi Ho ..
✩✩✩✩SPIRIT KYA HAI ? ✩✩✩✩✩
✅Iske Mutalliq AALA Hazrat Irshaad Farmate Hai .
✔Spirit Yaqeenan Sharab Hai .
Iska Peena Sirf Zahrile Hone Ki Wajah Se Haram Nahi Hai, Zahrila Hona Hi Zyadati E Nasha Aur Fasaad Ko Paida Karta Hai.
Sharable Jo Europe Se Aati Hai Aur Unke Nashe Ki Zyadti Isi K Yaani Spirit K Katraat Se Badhayi Jaati Hai.
Falaa Qism K 90 Qatro Me Uska Ek Qatra Mila Dene Hi Se Aur Fala Qism Me K 100 Qatro Me Iska Ek Katra Hi Kai Gunaa Nasha Paida Kar Deta Hai .
Dusri Sharable Pine Se Nasha Laati Hai Aur Spirit Sirf Sunghne Se Nasha Lata Hai . To Wo Haraam Bhi Hai Aur Peshab Ki Tarah Najasate Galeez Bhi ..
»✏📚AL MALFOOZAT SHARIF
@ To Be Continue .....©
———————————————————————
~~~~~~~~~~~ ★IRSHAADATE AALA HAZRAT [Post :23]★ ~~~~~~~~~~~~~~~~~~~~~~~~~~
✔Bait K Maani Hote Hai Poore Taur Se Bik Jaana . Bait Us Shakhs Se Karna Chahiye Jis Me Ye Chaar Baate Ho Warna Bait Jayaz Nahi Hogi.
1※.Sunni Sahi Ul Aqeeda Ho
2※.Kam Az Kam Itna Ilm Zaruri Hai Ki Bila Kisi Ki Madad K Apni Zarurat Ke Masail Kitaab Se Khud Nikaal Sake.
3※.Uska Silsila Huzoor Sallallahu Alaihi Wa Sallam Tak Muttasil Ho Kahi Munkate ( Toota ) Na Ho.
4※.Faasiq Molin Na Ho ( Yaani Khule Aam Fisq Wa Gunah Karne Wala Jaise Namaz Chodna Dhadhi Mundhana Wagairah. )
✅Log Bait Bataur Rasm Hote Hai .
Bait K Maani Nahi Jaante.
✩Bait Use Kahte Hai Ki Hazrate Yahiya Muneeri Rahmatullah Alaihi K Ek Mureed Dariya Me Doob Rahe The .
Hazrate Khizr Alaihis Sallam Zaahir Hue Aur Fermata Apna Hath Mujhe De Ki Tujhe Nikal Lu.
Un Mureed Ne Arz Kiya Ki Hath Hazrat Yahiya Muneeri Ke Hath Me De Chukka Hu Aur Dusre Ko Na Dunga.
Hazrate Khizr Gayab Hue Aur Hazrate Yahiya Muneeri Zaahir Hue Aur Unki Nikal Liya.. (Radi’allahu Ta’aala Anho. )
@ To Be Continue .....©
~~~~~~~~~~~~~~~~~~~~~~~~~~~~
★IRSHAADATE AALA HAZRAT
[Post :24]
~~~~~~~~~~~~~~~~~~~~~~~~~~~~
✅Huzoore Akram Sallallahu Alaihi Wa Sallam K Mubarak Zamane Me Bhi Tajdeede Bait Hoti Thi.
Khud Huzoore
Aqdas Sallallahu Alaihi Wa Sallam Ne Salma Ibne Aqwa Radi’allahu Anho Se Ek Jalse Me 3 Baar Bait Li.
Jihaad Ko Jaa Rahe The Pahli Baar Farmaya Salma ( Radi’allahu Anho) Ne Bait Ki .
Thodi Der Baad Huzoor Ne Farmaya Salma Tum Bait Na Karoge . Arz Ki Huzoor Kar Chukka Hu. Farmaya Aijan Fir Bhi Unhone Bait Ki. Aakhir Me Jab Tamaam Hazrat Bait Se Faarig Hue Fir Irshada Farmaya Salma Tum Bait Na Karoge. Arz Ki Yaa Rasoolullah Main Do Baar Bait Kar Chukka Hu . Farmaya Aijan Fir Bhi .
✔Garz Ek Jalse Me Salma Radi’allahu Anho Se Teen Baar Bait Li. Un Par Taqeed Bait Me Raaz Ye Tha Ki Wo Hamesha Piyada ( Paidal) Jihaad Kiya Karte The. Aur Majmaye Kuffar Ka Tanha Muqabla Karna Unke Najdeek Kuch Na Tha.
»✏📚KASHKOL FAQEER QADRI
@ To Be Continue .....©
——————————————————————
~~~~~~~~~~~~~~~~~~~~~~~~~~~~
★IRSHAADATE AALA HAZRAT
[Post :25]★
~~~~~~~~~~~~~~~~~~~~~~~~~~~~
✔Shajrah khwani ( yaani shajrah padhane) se bahot fayede hai .
1».Rasoolullah sallallahu alaihi wa sallam tak apne ta’aaluq ki sanad
ka hifz.
2».Swaalihin ki zikr ki mujeeb nuzoole rahmat hai yani swaalihin ke zikr se rahemat ka nuzool hota hai.
3».Naam banaam apne aaqayane nemat ko isaale sawab ki unki baargah me mujeebe nazre inayat hai yaani naam le lekar unko sawab nazr karne se unka faiz haasil hoga.
4».Jab ye salamati k waqt unka naam lewa rahega wo buzurgane silsilah musibat k waqt me uske dastageer (madadgaar) honge.
»✏📚AHKAAME SHARIAT
✩Is topic par Aala Hazrat ki Nisbat se Saare 25 post complete ho gaye.
Allah hum ko kahne aur sunne se zyada Amal ki Toufeeq ata farmaaye..
aur Irshadate Aala Hazrat par Amal karne ki taoufeeq ata farmaye.
Aameen summa Aameen
@ Topic Over .....©
———————————————————————
कोई टिप्पणी नहीं:
एक टिप्पणी भेजें